Six Russia sentenced pilots released by court of Somaliland

 

Six Russia sentenced pilots released by court of Somaliland

31.12.2010, 02.52

PRETORIA, December 31 (Itar-Tass) – The court of the self-proclaimed state of Somaliland has released six Russian pilots. The SAPA agency reported on Friday that on Thursday they were found guilty of supplying “military equipment” to the neighbouring self-proclaimed country Puntland with which Somaliland is at war, as well as of violation of the airspace of Somaliland. At first they were sentenced to one year in prison, but later the sentence was changed for suspended.

The Sarazin International firm that chartered the Antonov An-26 plane with a Russian crew, has denied that it violated the law. According to it there were military uniforms and mines on board. The An-26 was arrested on December 10 at Hargeisa airport (Somaliland). After the detention, Interior Minister of Somaliland Mohamed Abdi Gabose said that the delivery of such goods violates the UN embargo on arms supplies to Somalia.

Sarazin International is a private British security firm operating in several African states. According to the company, the cargo was carried to Puntland, where it trains the Coast Guard.

 

Source:

Source: ITAR-TASS

Maxkamadda hargeysa oo xukuntay lix Ruush ah iyo diyaaraddoodii

Maxkamadda hargeysa oo xukuntay lix Ruush ah iyo diyaaraddoodii

Diyaaradda Hargeysa lagu qabtayDiyaaradda Ruush-ka ee Hargeysa lagu qabtay

Gudoomiyaha maxkamadda gobolka Hargeysa Cabdiraxmaan Jaamac Hayaan ayaa maanta ku dhawaaqay in
Lix nin oo ruush ah ay midkiiba maxkamaddu ku xukuntay Min hal sano oo xadhig ah iyo min saddex million
oo shiling Somaliland ah oo ganaax ah, lacgtaasoo u dhiganta shan boqol oo dollar midkiiba.

Nimankan oo isugu jira duuliyaashii iyo shaqaalihii diyaarad qalab milleteri u siday Puntland oo 10kii
bishan lagu qabtay Hargeysa , waxay kaloo maxkamadu xukuntay in dhammaan qalabkii milleteri
oo ahaa direys iyo boojajka rasaasta iyo miinada lagu qaato in lala wareegay .

Diyaaradda oo ah nooca xammuulka ee Antanov 32 waxaa iyada lagu xukumay ganaax dhan 23 Million oo
Shilinka somaliland ah oo u dhiganta afar kun oo dollar .

Maxkamaddu waxay ogolaatay in xabsiga lixda nin lagu xukumay ay lacag ahaan ku beddelaan karaan.
qareenka nimankan difaacaayay Khadar Maxamed Guuleed ayaa BBC-da u sheegay inaanay wax
rafcaan ah ka qaadanayn xukunkan oo ay ku qanceen .

Maxkamaddu waxay sheegtay in lagu helay duuliyaashan iyo diyaaradoodaba inay ku soo xadgudbeen hawada Somaliland, una sideen iyagoo qarinaayay qalab milleteri malleeshiyo cadow ku ah xuduuda Somaliland oo puntland lagu tababaraayo.

Source: BBC Somali

Taliska Booliska oo soo Bandhigay Tirakoobka Dambiyada Kala Duwan ee Sannadkan ka Dhacay Somaliland

Taliska Booliska oo soo Bandhigay Tirakoobka Dambiyada Kala Duwan ee Sannadkan ka Dhacay Somaliland

Hargeysa (Jam)- Ciidanka booliska, ayaa shalay soo bandhigay tirakoobka dambiyada kala duwan ee sannadkan sii dhammaanaya ee 2010 ka dhacay guud ahaan Somaliland, iyada oo boolisku dadweynaha ka codsaday inay la soo socodsiiyaan dadka aan jeclayn nabadda iyo ammaanka guud ee dalka ka jira, si tallaabo sharci ah looga qaado.

Hoggaanka Hawlgelinta Ciidanka Booliska Somaliland Mr. Cabdillaahi Fadal Iimaan oo saxaafadda u warramay shalay, ayaa faahfaahin ka bixiyey noocyada dambiyada kala duwan ee dalka ka dhacay, isagaoo xusay in dambiyada sannadkan dhacay ay gaadhayaan ilaa 4,120 fal-damiyeed, kuwaasi oo isugu jira dilal, kufsi, shilalka gaadiidka iyo carruurta yaryar ee la tuuro.

Taliyuhu waxa uu intaa ku daray in maxkamadda la horkeenay 1,265 kiis oo ka mid ah 4,120 dambi ee dalka ka dhacay, isaga oo xusay in dilalka bilihii u dambeeyey Somaliland ka dhacay gaadhayaan ilaa 29 dil oo gacanta lagu hayo eedaysanayaasha falal-dambiyeedyadaas lagu tuhunsan yahay.

“Falalka kufsiga ah ee Somaliland ka dhacay waxay gaadhayaan 45-kufsi, waxana geystay 48 eedeysane, kuwaasoo 8 ka mid ah ka baxsadeen. Shilalka gaadiidka ee bilihii u dambeeyey dhacay waxay gaadhayaan 387-Shil, waxaana ku dhintay 48-qof, iyada oo ay ku dhaawacmeen dad gaadhaya 298-qof, waxa kale oo shilalkaasi khasaare kala duwan ka soo gaadhay 221 baabuur oo kala duwan, iyada oo ay shilalkaasi ku burbureen dhismayaal gaadhaya ilaa 48-dhisme,” ayuu yidhi hoggaanka hawlgelinta boolisku.

Mr. Fadal waxa uu sheegay inay jiraan carruur yaryar oo la tuuray, kuwaas oo la keenay saldhigyada booliska, isagoo xusay in carruurtaasi lagu wareejiyey hay’adaha ku shaqada leh.

Dilalka iyo falalka tuugado ku kacdo, ayaa bilihii u dambeeyey aad u soo badanayey, iyada oo falalkaasi dadweynaha ku beeray cabsi dhinaca ammaanka ah, iyada oo dadku aaminsan yihiin in muddadii xukuumadda cusub xilka haysay uu hoos-u-dhac ku yimi ammaanka, isla markaana dilalka iyo tuugado sii kordheen.
Jamhuuriya Online


Halkan ka daawada sawiro ku saabsan dhismaha Biriijka Labaad ee Hargeysa Oo Dhammaad Ku Dhow

Halkan Ka Daawada Sawiro Ku Saabsan Dhismaha Biriijka Labaad Ee Hargeysa Oo Dhammaad Ku Dhow

Hargeysa (OWN)- Waxa aanu halkan idiinku soo gudbinaynaa sawiro aanu idiinka diyaarinay qaybtii ugu dambaysay ee biriijjka labaad Hargeysa oo muddo dheer soo jiitamayay, oo dhismaheeda lagu guda-jiro, iyo guddoomiyaha xisibiga UCID oo booqday .

Gudoomiyaha xisbiga UCID Eng. Faysal Cali Waraabe iyo madax kale oo xisbiga ka tirsan oo booqday biriijka, isla markaana halkaa kula kulmay Maareeyaha Hay’adda waddooyinka Somaliland Cabdiwaaxid iyo madax kale.

Xoghaya maamulka iyo qorshaynta ee UCID Maxamed Xasan Dirir iyo madax kale oo biriijka dub lugaynaya

Cabdishakuur Xaaji Muxumed Muuse [Heersare]

cabdiheersare01@hotmail.com

Oodweynenews.com/Hargeysa Office

Hooyo Da,ah oo Saaka koox Tuug ahi ka tuurtay Biriijka Wayn ee Magaaladda Hargeisa.

Hooyo Da,ah oo Saaka koox Tuug ahi ka tuurtay Biriijka Wayn ee Magaaladda Hargeisa.

 

Dadwayne tiro badan ayaa illaa saaka ku soo xoomay biriijka wayn iyaga oo daawanaya halkii ay ka dhacday Daawo Sawiradda

Tuug dadka ku baadhata dooxa wayn ee Magaaladda Hargeisa ayaa saaka subaxdii hore ka tuuray Biriijka wayn ee magaaladda Hargeisa hooyo Faadumo Maxamuud Yuusuf oo ahay Qof wayn oo Da,a ah, isla markaana Waxyeelo ka soo gaadhay dhabarka iyo gacmaha.

Hooyo Faadumo oo ah Dadka suuqa ka shaqeeya ayaa subaxdii hore ku waabariisatay koox Tuug ah oo si badheedh ah ugu qaaday lacag yar oo ay kiish ku sidatay ka dibna markii ay isku adkaysay ka tuuray biriijka.
DSC03485
Hooyo Faadumo ayaa la dhigay Cusbitalka wayn ee Magaaladda Hargeisa halkaasi oo lagu daawaynayo,
Dadwayne tiro badan ayaa illaa saaka ku soo xoomay biriijka wayn iyaga oo daawanaya halkii ay ka dhacday gabadho oo noqotay meel god ah, kana sii muuqday raadadkeedii.

Cusbitaalka Guud ee Hargeisa oo aanu la xidhiidhnay si aanu wax uga Ogaano Xaaladda Caafimaad ee Hooyaddan dhibku soo gaadhay ayaanay noo suuro galin.

Falka tuugadda noocan ah oo ah fal aad u fool xun ayaa ah kii ugu horeeyay ee noociisa ah ee lagula kaco qof wayn oo da,daasa ah, iyada oo ay soo badanayaa falalka arxan darradda ah ee Tuugadu ku laynayaan dadwaynaha.
DSC03482
Waxaa iyana jirtay in dhawaan masjid jaamaca wayn agtiisa tuug ku dilay wiil dhalinyarro ah oo marayay inta u dhaxaysa tiyaatarka iyo masjid jaamaca Hargeisa.
DSC03484DSC03483
Maxamed Yusuf
Gabiley News Desk
maandhaye@hotmail.com

Source: Gabileynews

Madaxweynaha Somaliland Oo Qasriga Madaxtooyada Ku Qaabilay Wafti Ka Socda Dalka Yemen

Madaxweynaha Somaliland Oo Qasriga Madaxtooyada Ku Qaabilay Wafti Ka Socda Dalka Yemen


 

(Hadhwanaagnews)  Monday, December 27, 2010
Hargeisa (HWN)-Madaxweynaha Somaliland Md Axmed Maxamed Maxamuud [Siilaanyo], ayaa maanta Qasriga Madaxtooyada ku qaabilay Xildhibaanno ka socda dalka Yemen oo booqasho ku yimid caasimada Hargaysa ee xarunta dalka Somaliland.

Waftigan ka socday dalka Yemen ee kulanka la yeeshay Madaxweynaha Somaliland Axmed Maxamed Maxamuud ayaa waxa ka war-bixiyey Guddoomiye ku xigeenka 1aad ee Golaha wakiillada Somaliland Md Cabdicasiis Maxamed Samaalle, waxaannu sheegay in Waftigaas iyo Madaxweynaha Somaliland ay ka wada hadleen siddii loo adkayn lahaa Cillaaqaadka labada dal ee Somaliland iyo Yemen.

Guddoomiye Ku-xigeenka Golaha wakiillada Somaliland Md Cabdicasiis Maxamed Samaalle waxa kale oo uu sheegay in Waftigaas Baarlamaanka ah ee ka socday dalka Yemen uu Madaxweyne Axmed Maxamed Maxamuud Siilaanyo ugu dhiibay Qoraal ku socoda Madaxweynaha dalka Yemen, kaasoo aan wax tafaasiil ah laga bixin waxyaabaha ku saabsanaa, hase yeeshee sida wararku sheegaan waxaa uu nuxurkiisu ahaa adkaynta iyo xoojinta xidhiidhka labada dalka ee Somaliland iyo Yemen.

Waa markii ugu horeysay ee Wafti Baarlamaan oo ka socda dalka Yemen ay Somaliland booqasho ku yimaadaan, waxaaanna la filayaa inay arrintani wax wayn ka tarri doonto Xidhiidhka dublamaasiyadeed ee Somaliland iyo Yemen, kaasoo aan fiicnayn Sannooyinkii u dambeeyey, kadib markii ay is maandhaafyo badani ka dhashay Kalluumaysato si sharci darro ah u soo galay Biyaha Somaliland oo dhawr jeer la qabtay.

Cabdiqani Cabdilaahi Axmed (Asporo)

Hadhwanaagnews/office

Hargaysa/Somaliland

Asporo23@gmail.com

Hargeysa: Arday Mudaharaad Sameeysay VOA

Hargeysa: Arday Mudaharaad Sameeysay

Ardaydu waxay dab qabadsiiyeen taayarada baabuurta iyagoona hakad ku keenay hawlihii jaamacadda.

Halkan ka dhegayso

http://www.voanews.com/somali/news/Ardayda-Jaamacadda-Hargeysa-oo-Mudaaharaaday-112449919.html

Ismaaciil Farjar | Hargeysa Sabti, 25 December 2010

 

Lahaanshaha: VOA

Wadaag

    Ardeyda Jaamacadda Hargaysa ayaa maanta sameeyay bannaan bax ay kaga soo horjeedaan maamul cusub oo uu madaxweynaha Somaliland u soo magacaabay Jaamacaddaasi.

    Madaxweyne Siilaanyo ayaa magacaabay guddi muddo afar bilood ah hagi doona Jaamacadda, kaasoo guddoomiye looga dhigay Fowsia Yuusuf Xaaji Aadan oo ka mid ahayd aasaasayaasha Jaamacadda Hargeysa.

    Madxweyne Silaanyo ayaa sidoo kale guddoomiyaha Jaamacadda Hargeysa u magacaabay Muuse Cabdi Cilmi.

    Madaxweyne Siilaanyo ayaa soo jeediyay in muddada afarta bilood ah lagu soo dhammeytiro xeerka doorashada hogaanka kala duwan Jaamacadda.

    Ardaydu waxay dab qabadsiiyeen taayarada baabuurta, iyagoona horjoogsaday maanta hawlihii Jaamacadda.

    Jaamacadda Hargeysa ayaa ah jaamacadda ugu weyn jaamacadaha ku yaalla Soomaaliland, waxaana wax ka barta arday tiradoodu ay gaareyso 4,000.