Daawo Daawo Sawirradan Madaxweyne Siilaanyo iyo wefdigii uu hogaaminayay oo Dalka Kuwayt soo gaadhay.

Madaxweyne Siilaanyo iyo wefdigii uu hogaaminayay oo Dalka Kuwayt soo gaadhay.
Madaxweynaha iyo weftigiisa oo qaabilad sare iyo soo dhawayn kala kulmay waddanka imaaraadka carabta Daawo Sawiradda

Madaxweynaha JSL Mudane Axmed Maxamed Maxamuud (Siilaanyo) iyo weftiga uu hogaaminayo ayaa manta gelinkii dambe ka dhoofay Gegida diyaaradaha ee khaaska u ah Madaxda Dalka Imaaraadka Carabta ee Abu-Dabai isagoo u sii jeeda waddanka Kuwayt oo uu ka helay martiqaad rasmi ah ka dib markii uu dhamaystay booqashadii uu ku joogay Imaaraadka Carabta iyo kulamadii uu la yeeashay sheekhyada iyo Ganacsatada waa weyn qaarkood ee waddanka Isu-tagga Imaaraadka carabta iyo weliba shirkado iyo diblumaasiyiin ay la yeesheen kulamo gooni gooni ah.IMG_0498 (1)

Madaxweynaha iyo weftigiisa oo qaabilad sare iyo soo dhawayn kala kulmay waddanka imaaraadka carabta waxa ay kulamadii uu la yeeshay Madaxda waddankaas oo dhami ku dhamaadeen is afgarad iyo iskaashi niyad sami ah oo ay labada dhinac ku heshiiyeen qodobo door ah oo wax ka tari doona baahiyaha dhaqaale ee Somaliland.

IMG_0407

Madaxweynaha iyo weftigiisu waxa ay Gegada dayuuradaha ee Abu-Dabai ka qaaday dayuurad khaas ah oo uu iska leeyahay Amiirka Waddanka Kuwayt.
IMG_0440
Madaxweynaha iyo wefdigiisu waxay Magaalada Kuwayt soo gaadheen isla galabta makhribkii waxaana gegada dayuuradaha ee Kuwayt ku soo dhaweeyey oo halkaa ku sugayey masuuliyiin iyo madax ka mid ah dawladda Kuwayt,
IMG_0415
Madaxweynaha iyo wefdigiisa oo lagu soo galbiyey gaadiidka martida ee dawladda. Sheekh Xamad Sabah Al-ahmad Al-sabah oo weftiga Madaxweynaha ku marti qaaday kuna soo dhaweeyey magaca aabihii oo ah Amiirka dalka Kuwayt iyo magaca dalkiisaba ayaa isla caweysinkan ku soo booqday hotel-ka uu degenyahay weftiga Madaxweynuhu.
IMG_0428
Madaxweynaha iyo weftigiisu waxa ay berri kulan ku yeelanayaan xafiiskiisa Amiirka dalka kuwayt Sheekh Sabah Al-ahmed Al-sabah, Isla gelinga dambe ee berri waxa uu Amiirku beertiisa qaddo sharaf ugu samayn doonaa Madaxweynaha iyo xubnaha kale ee weftigiisa ee socdaalka ku weheliya.
IMG_0451

Xubnaha weftiga ee Madaxweynaha socdaalkan ku weheliya waxay kala yihiin:

Dr. Maxamed Cabdilaahi Cumar, Wasiirka Wasaaradda Arrimaha Dibedda

Mudane, Xirsi Cali X. Xasan, Chief of Cabinet-ka Madaxtooyada JSL

Marwo Aamina Sheikh Maxamed, Marwada 1aad ee JSL

Mudane, Cabdilaahi Maxamed Daahir, Af-hayeenka Madaxtooyada JSL

Iyo Xog-haya Gaarka ah ee Madaxweynaha JSL cali Axmed Cali

IMG_0482IMG_0498IMG_0494IMG_0446IMG_0209

ALLAA MAHAD LEH

Xafiiska Af-hayeenka Madaxtooyada JSL.

Daawo Daawo Sawirradan qiimaha leh Booqashadii Madaxweynaha Somaliland Ahmed M.M Siilanyoee Kuwayt

Wararkii ugu danbeeyay ee waftiga madaxwayne Siilaanyo ee ku sugan dalka Kuwait
Ra’isal Wasaare Ku xigeenka Dawladda Kuwayt ahna Wasiirka Arrimaha Dibedda Sheekh Dr. Maxamed Sabax Al Salam Al Sabah ayaa maanta xafiiskiisa ku qaabilay Madaxweynaha JSL(Daawo Sawiro)

JAMHUURIYADDA SOMALILAND Republic of SOMALILAND
Xafiiska Af-hayeenka Madaxtooyada JSL

Date: 28/04/2011
War-saxaafadeed
Ra’isal Wasaare Ku xigeenka Dawladda Kuwayt ahna Wasiirka Arrimaha Dibedda Sheekh Dr. Maxamed Sabax Al Salam Al Sabah ayaa maanta xafiiskiisa ku qaabilay Madaxweynaha JSL Mudane, Axmed Maxamed Siilaanyo iyo weftigiisa.
Wasiirka Arrimaha Dibedda Kuwayt waxa uu sheegay in ay dawladdiisu aad u soo dhawaynayso wax wada qabsigay iyo xidhiidhka sokeeye ee u dhexeeya labada waddan.
IMG_0771
IMG_0825
IMG_0772

Wasiirka waxa uu sheegay in ay xukuumadiisu diyaar u tahay in ay Somaliland ku dhiirigeliso dedaalka ay ugu jirto horumarka ay ka samaysay dhinac nabadgelyada iyo maamulka ka hanaqaaday. Wasiirku waxa uu sheegay warwarka ay beesha caalamku ka qabto nabadgelyada madaqadda oo budhcad badeedu ku jirto.
IMG_0757
IMG_0769
IMG_0759

Madaxweynaha JSL Mudane, Axmed Maxamed Siilaanyo ayaa ka waramay xaaladda guud ee siyaasadeed ee mandaqadda oo dhan iyo waliba kaalinta ay Somaliland ku leedahay nabadgelyada. Madaxweynuhu waxa uu si door ah uga waramay isbedeladii siyaasadeed ee geeska iyo heerarkii ay soo martay dhismaha dawladnimada Somaliland iyo waliba sida ay nabadgelyada Somaliland u tahay mid gunta ka soo dhisantay oo haatan adkaatay.

IMG_0755
IMG_0754

Madaxweynuhu waxa uu ka waramay baahida ay Somaliland ka qabto gacan qabashada beesha caalamka gaarahaana dawladda Kuwayt. Waxaana uu uga mahadnaqay mashaariicda ay dawladda Kuwayt haatanba ka wado Somaliland sida garoomada dayuuradaha iyo cisbitaalada. Wuxuu se sheegay in ay baahida Somaliland intaa ka badantahay sidaasi si la mid ahna uga mahadnaqi doono mashaariicda horumarineed ee ay dawladda Kuwayt ku deeqdo.
Waxaanu u gudbiyey mashaariic isugu jirta dhinaca biyaha iyo wadooyinka.
Isla maanta waxa Madaxweynaha iyo weftigiisa qaabilay sarkaalka ugu sareeya Hay’adda Kuwayt Fund iyo masuulin kale oo ka tirsan Hay’addas. Sidoo kale, Madaxweynaha iyo weftigiisu waxa ay hay’adda kala hadleen in ay kordhiso mashaariicda horumarineed ee ay haatanba ka wado Somaliland. Waxaanay Madaxda Hay’adu sheegeen in ay dhinacooda diyaar u yihiin.
IMG_0737
IMG_0751
IMG_0752
IMG_0735
IMG_0695

Shalayna weftiga Madaxweynaha waxa lagu casuumay beerta Amiirka oo lagu sameeyey qado sharaf iyada oo dayuurad nooca loo yaqaano Helikobtarta ah lagaga qaaday hooteelka uu daganyahay Madaxweynuhu.

ALLAA MAHAD LEH

Xafiiska Af-hayeenka Madaxtooyada JSL.


Published: 2011-04-28

Gabiley News on Facebook

ASMAA UL XUSNAA

articles top 10

1 Alla doori sawkaa Darka jiidhay maaweel…..


2 Somaliland: time of trial


3 Ma ku baraaa, Riyaale ma kuu bilaabaa! Faallo: Cabdirisaaq M. Dubbad,


4 KULMIYOOW HOOS HASU DHIGIN EE MEEL SARE WAX KA EEG


5 golaha guurtida shacabkaa idin fasaxay muddo lix bilood ah


6 BURCO BIRIJYADEEDII DHISATAY HARGAYSA BOODHKAYKU QASTAY.INA DAAUUD DADKA HARRAADAY WAX U QABO WADDO U DHIS CEELAAL U QOD .MATIHID AHMED HAJI WASIIRKA WARFAAFIN


7 DADKA DALKA JOOGAA MA MIYIR QABAAN MISA WAA WALAN YAHIIN MIYAANAY IS DHAGEESAN


8 Riyaalow Adigu Markii Aad Berbera Ka carartay Ee aad Laascaanood Orodka Ku Gashay Bal Magac U Bixi Wixii Ku Eryanayey Iyo Wixii Aad Aaminsaneyd?‏


9 Af Nooli Waa Hadlaa, Eyna Waa Ciyaa


10 FW: XOG KU SAABSAN KUUL CARRAHA HADA LA HADAL HAYO

Halkan ka daawo sawiradii quruxda badnaa ee madaxweynaha Somaliland booqashadii Imaaraadka

Kulankii u danbeeyey ee Weftiga Madaxweynaha

Kulankii u danbeeyey ee Weftiga Madaxweynaha
Madaxweynaha JSL, Mudane Axmed Maxamed Maxamuud (Siilaanyo) iyo Weftiga uu Hogaaminaayo ee ku sugan Dalka Isu-tagga Imaaraadka Carabta, ayaa la kulmay Sheekha Xukuma Imaarada Raasul khayma, Sheekh Sucuud Binu Saqar Al-Qaasimi ee Wadanka Isu-tagga Imaraadka Carabta(Daawo Sawiro)

JAMHUURIYADDA SOMALILAND Republic of SOMALILAND
Xafiiska Af-hayeenka Madaxtooyada JSL

Date: 24/04/2011

War-saxaafadeed

Madaxweynaha JSL, Mudane Axmed Maxamed Maxamuud (Siilaanyo) iyo Weftiga uu Hogaaminaayo ee ku sugan Dalka Isu-tagga Imaaraadka Carabta, ayaa la kulmay Sheekha Xukuma Imaarada Raasul khayma, Sheekh Sucuud Binu Saqar Al-Qaasimi ee Wadanka Isu-tagga Imaraadka Carabta.

IMG_0125

Sheekha ayaa ogolaaday in ay Somaliland Imaaradiisa ka furato Xafiis ka dib markii uu kulan qado sharaf ah la yeeshay weftiga uu hogaaminaayo Madaxweynaha JSL, Mudane Axmed Maxamed Maxamuud (Siilaanyo) oo maal-mahanba ku sugnaa Wadanka isu-tagga Imaaraadka Carabta.

IMG_0121

IMG_0120
Weftiga Madaxweynaha Somaliland oo uu sheekhu ku soo Dhaweeyey 40 Mooto iyo Baabuurta u khaaska ah Martida kuwaas oo weftiga kaga horyimid Duleedka Raasul Khayma.

IMG_0120

waxa ay labada Dhinac ka wada hadleen qodobo ay ugu muhiim-sanaayeen Wax-wada qabsiga dhinaca ganacsiga iyo dhinaca isu-socodka labada Dal.

IMG_0065
IMG_0048
Waxa kale oo ay ka wada hadleen Maal-gashi shirkado uu sheekhu Abbaan ka yahay ama Oday ka yahay, ay Maal-gashi ka samayn donaan Dalka gudihiisa oo ay u soo diranayaan aqoon yahano daraasad ka soo sameeya Xadiga ama Mugga Maal-gashiga ee ay shirkadahaasi ka samayn karaan Somaliland.

Madaxweynaha Somaliland ayaa sidii uu u sheegay Madaxda kale ama Shuyuukhda kale ee Imaaradaha kale ee uu ka kooban yahay wadanka Isu-tagga Imaaraadka Carabtu waxa uu sheekha u sheegay in ay Somaliland soo dhawaynayso wax-wada qabsiga dhinaca dhaqaalaha iyo dhinaca maal-gashiga oo ay la yeelato wadanka isu-tagga imaaraadka carabta, Shirkadaha waa weyn ee ku sugan wadanka iyo Ganacsatada waa-weyn ee Awood dhaqaale u leh in ay maal-gashato Somaliland.

Madaxweynuhu waxa uu u faah-faahiyey in ay Xukuumada Somaliland u fudaydinayso Xeerarka iyo Shuruucda la xidhiidha maal-gashiga ay samaynayaan iyo Shacbiga Somaliland oo baahi wayn u qaba in ay fududaato isu socodka ama Xidhiidhka Ganacsi ee shacbi ahaan iyo Ganacsato ahaanba ee ay la leeyihiin wadanka isu-tagga imaaraadka Carabta, ayaa weftiga Somaliland waxa uu dedaal weyn ugu jiraa sidii ay Imaaradaasi u Aqbali-lahaayeen Baasaaboorka Somaliland ( Somaliland Passport ) waxaanay imaaradu noqotay Imaaradii u horaysay ee toos u ogolaatay in ay Somaliland Xafiis-yada ay ku leedahay Wadamada kale ay si toosa uga furato Imaarada Raasul-khayba oo ka mid ah Wadanka isu taga Imaaraadka Carabta.

Weftiga uu hogaaminaayo Madaxweynaha JSL, Mudane Axmed Maxamed Maxamuud (Siilaanyo) ayaa Maalinta Salaasada ah ka Am-babixidoona Magaalada Abu-Dabai iyaga oo u kicitimi-doona Wadanka Kuwait, iyaga oo ka haysta Marti-qaad Rasmiya waxaanay Magaalada Abu-Dabai ka raacidonaan Diyaarad Khaasa oo uu u soo diray Amiirka Wadanka Kuwait.

Dhinaca kale Xubno uu hogaaminaayo Wasiirka Ganacsiga Somaliland ayaa isla shalay waxay kulan la yeesheen Ganacsato waa weyn oo ka mid ah Shuyuukhda ka talisa Wadanka isu-tagga Imaaraadka Carabta kuwaas oo ay ka mid ahaayeen Sheskh Saiid binu Xashari Al-magtuum oo ah ganacsade wayn oo ka mid ah Ganacsatada Dubai ugu waa weyn iyo Sheekh Maxamed Al-qaasimi oo ah isna Ganacsade weyn oo ka socday Shariqa kuwaas oo ay kala hadleen ujeeddo la mid ah tii hore ee ay kulamadii dhigooda ahaa la soo yeesheen oo ah mid la xidhiidha maal-gashiga iyo kaalinta Dhaqaale ee ay ka gaysan karaan Somaliland.

Waxa uu weftigu u sharaxay ganacsatada sida ay suurta galnimada ugu tahay in ay maalkooda ku Aaminaan Somaliland iyo inay door weyn ka ciyaaraan Maal-gashiga Somaliland iyo sida ay faa’iido weyn ugu leedahay shacbiga somaliland.

ALLAA MAHAD LEH
Xafiiska Af-hayeenka Madaxtooyada JSL.

Madaxweyne Siilaanyo oo Shaaca ka Qaaday in Somaliland Diyaar u Tahay Raadinta Iskaashi Dhexmara Soomaaliya

Madaxweyne Siilaanyo oo Shaaca ka Qaaday in Somaliland Diyaar u Tahay Raadinta Iskaashi Dhexmara Soomaaliya

Last Modified: Fri 22nd Apr,2011

“Ma jirto wax midnimo ah oo Soomaaliya ka jirtaa, ayaad la xidhiidhi kartaa si aad ula xaajooto? Waxana jira dad noo yimaad oo nala soo xidhiidha, kuwaasi oo …”

Waraysi – Madaxweyne Axmed-Siilaanyo

Abu Dhabi (Jam/Reuters)- Madaxweynaha Somaliland Md. Axmed Maxamed Maxamuud (Siilaanyo), ayaa shaaca ka qaaday inay diyaar u yihiin sidii ay u raadin lahaayeen iskaashi dhexmara dalka Soomaaliya, balse waxa uu hoosta ka xarriiqay in aanay xilligan Soomaaliya ka dhisnayn dawladda wada-xaajood lala geli karo.

Madaxweyne Siilaanyo oo isagoo ku sugan dalka Imaaraadka Carabta waraysi siiyey shalay wakaaladda wararka caalamiga ah ee Reuters, waxa uu caddeeyey in aanay Somaliland waqtigan wax xiiso ah u qabin inay mar labaad dib ula midoobaan Soomaaliya, isla markaana aanay habboonayn in madaxbannaanida Somaliland lagu xidho Soomaaliyada burbursan.

“Waxyaabihii dhawaan ka dhacay Koonfurta Suudaan waxay tusaale fiican u yihiin inay isbeddeleen fikradihii hore ee gaboobay ee ahaa in aan waxba laga beddelin qaabkii guumaystuhu kaga tagay xuduudaha qaaradda Afrika, arrintaasina waxay caawin kartaa qaddiyadayada goonni-isu-taagga.

Dhab ahaan xaqiiqada jirtaa waxay tahay haddii la doonayo in qaddiyaddayada loo riixo dhinaca Soomaaliya. Ma jirto wax midnimo ah oo dalkii Soomaaliya ka jirtaa, ayaad la xidhiidhi kartaa si aad ula xaajooto? Waxaana jira dad noo yimaad oo nala soo xidhiidha, kuwaas oo fahamsan qaddiyaddayada, laakiin ma jirto dawlad midaysan, mana jirto hay’ad lala hadli karo, maadaama Soomaaliya ay xilligan ku jirto xaalad walaac leh. Haseyeeshee, waxaannu diyaar u nahay in aannu raadino iskaashigooda.”

Madaxweynaha Somaliland waxa uu sheegay inay diyaar u yihiin, isla markaana taageerayaan qorshaha Qaramada Midoobay ku doonayso in maxaabiista budhcad-badeedda Soomaalida ah lagu hayo xabsiyada dalka Somaliland.

Madaxweyne Siilaanyo oo arrintaas ka hadlayeyna waxa uu yidhi; “Xabsiyadaannu ku hayn doonaa budhcadda lagu qabto badahayaga, taasina waxa waxa aannu ku deeqi karayno, waxaanuna diyaar u nahay in aanu ku deeqno adeegyada xabsiyada.”

Md. Siilaanyo iyo wefti uu hoggaaminayo oo maalmihii u dambeeyey kormeer ku joogay waddanka Imaaraadka Carabta, ayaa kulamo la yeeshay masuuliyiin ka tirsan dawladda dalkaas, shirkado maalgashi oo shisheeye iyo shuyuukh ka tirsan dawladdaas, iyadoo muddadii weftigiisu ku sugnaa Abu Dubai uu wasiirka khaarajiga Somaliland ka qaybgalay shir lagaga hadlayey arrimaha budhcad-badeeda Soomaalida oo ay ka qaybgaleen ilaa 50 dawladood wasiirradooda arrimaha dibadda.

Ka soo xigtay: Jamhuuriya

Sannad-guuradii 1aad ee ka soo Wareegtay Geeridii Muj. Haybe Laambad oo si Weyn Looga Xusay Hargeysa

Sannad-guuradii 1aad ee ka soo Wareegtay Geeridii Muj. Haybe Laambad oo si Weyn Looga Xusay Hargeysa

Last Modified: Fri 22nd Apr,2011

Hargeysa (Jam)- Munaasibad lagu xusaayo sannad-guuradii 1aad ee ka soo wareegtay geeridii Allaah ha u naxarisitee Mujaadkii weynee ee Haybe Axmed Guure (Haybe Lanbad|), ayaa shalay lagu qabtay hudheelka Maansoor ee magaalada Hargeysa.

Munaasibaddan lagu xusaayey geerida mujaahidka oo si weyn loo soo agaasimay ururka Dangarad, ayaa waxa ka qaybgalay mujaahidiintii waaweynaa ee SNM, masuuliyiin ka tirsan xukuumadda, madax-dhaqameed, masuuliyiinta ururka Dangarad. xildhibaanno, qaar ka mid ah eheliyada marxuumka, dhallinyaro iyo martisharaf kale.

Maxamed Jaamac (Fadhi-ku-salaan) oo ugu horreyn xuska munaasibaddaas ka hadlay, ayaa ka warramay soyaalkii halganka uu kaga jiray mujaahid Haybe Laambad, isagoo sheegay inuu ka soo qaybtay dagaallo badan oo ay ka mid yihiin, dagaalkii 2aad ee adduunka, ilaa halgankii lagu xorraynaayey Soomaaliland. Waxa uu mujaahid Fadhi-ku-salaan soo jeediyey inay habboon tahay in la qoro taariikhda mujaahidiinta SNM si ay dhalllinyarada soo koraysaa uga faa’iidaystaan, waxaannu intaa ku daray in ahaa mujaahidku shakhsiyad wanaagsan.

Muj. Obsiye oo isna madashaas ka hadlay, ayaa sidoo kale ka warramay taariikhdii halgan ee mujaahid Haybe Laambad dalka u soo maray, waxaannu si weyn ugu dhalliilay dawladda hoose inay ka gooyeen mushahar saddex boqol oo kun (3000,0000 Somaliland shillin ah), waxaannu yidhi; “Saddex boqol oo kun oo uu qaadan jiray ayaa laga jaray, wax loogu darro daaye, maxaa loo jaraybaa la waydiiyey, waxaanay yidhaahdeen wuu dhintay. Waxaan ka codsanayaa xukuumadda, inkastoo guddoomiyihii xisbiga KULMIYE inala fadhiyo, waa in la iska ilaaliyo waxyaabahaas oo kale. Wwaa in ninku marka uu meesha ka baxo aan laga goyn lacagta yar ee carruurta uu ka tago waxbarashada lagaga bixinayo.”

Wasiirka Kalluumaysiga iyo Khayraadka Badda Md. Cabdillaahi Cismaan Geeljire, ayaa Ilaahay uga baryey muhaahid Haybe Laambad inuu naxariistii janno ka waraabiyo, isagoo mujaahidiinta waaweyn ee mudasha ku sugnaana si weyn ugu canaantay qorid la’aanta sooyaalka taariikhda mujaahidiintii u shihiiday dalka, waxaannu ballanqaaday inay xukuumad ahaan xil weyn iska saari doonaan.

“Annagu su’aashii halkan nalagu waydiiyey ee uu na weydiiyey mujaahid Dhega-weyne oo taariikhda halka uu kaga jiro la og yahay uu halkan ka yidhi, waddooyinka ha loogu magac-darro mujaahidiinta shihiiday, waar waxa na la weydiisanayaa ma waxbaa. Ninkii carruurtiisa ka dhintay loo baryi maayo, farriintaana waannu qaadanay, waana lagu magacaabayaa. Annagu haddaannu xukuumadda nahay anigoo kalsooni badan ka qaba, farriintaas iyo mid ka badanba waa na looga fadhiyaa, marnaba wax nalaga baryayo maaha.

Wax fudud muu ahayn halgankaynu soo galnay, innnagoo og intaynu hanta ku waynay, geesiyaal ku waynay, maanta halkan inaynu iskula barino taariikhdoodii aynu xafidno ma aha wax loo dulqaadan karo, raggana waxaan leeyahay waar dumarka xusa markaad taariikhda halganka ka sheekaynaysaan,” ayuu yidhi Md. Geeljire.

Muj. Ibraahin Cabdillaahi Xuseen (Dhego-weyne), ayaa isagu sheegay sida ugu habboon ee lagu xafidi karo taariikhda mujaahidiinta dalka magaca ku leh, isla markaana dhiigoogii u soo daayey in loogu magac-daro waddooyinka, dugsiyada oo taariikhdooda la qoro oo aan lagu soo koobin munaasibad maalin qudha laga xuso.

Guddoomiyaha xisbiga tallada haya ee Kulmiye Muj. Muuse Bixii Cabdi, ayaa sheegay in mujaahid Haybe Cumar Magan uu u dagaalami jiray muddo lixdan sannadood ah xorriyad uu gaadhsiiyo dadkiisa iyo nolol wanaagsan oo horumar leh,

“Mujaahid Haybe wuxuu ka tagay ubad wanaagsan oo ay ka muuqato geesinimadiisi iyo hab-dhaqankiisi wanaagsanaa. Haybe 60 sanno oo uu dagaallamayey umuu dagaalllamayn gobol iyo qabiil midna, balse wuxuu u dagaallamayey si nolosha markaa lagu jiray tu ka wanaagsan loogu noolaan lahaa.

Sidaa darteed, haddii aynu doonayno in isaga iyo kuwo la mid ah inaynu taariikhdooda soo uruurino, waxa looga fadhiyaa mujaahidiintii waaweynaa inay u hawlgalaan sidii looga midho-dhalin lahaa arrintaas,” ayuu yidhi Muuse Biixi

Marwo Faadumo Siciid Ibraahim oo halkaas ka hadashay, ayaa iyaduna si weyn uga hadashay taariikhdiisi qaybta bulshada, iyadoo si weyn ugu dhaliishay SNM iyo hoggaamiyayaasha Somaliland inay ka gaabiyeen ururinta iyo kaydinta sooyaalkii taariikheed ee mujaahidiintii u shihiiday dalka iyo ummaddan, waxaanay u soo jeedisay mujaahidiintii waaweynaa ee madashaas ku sugnaa ee ay aqoonta dheer isku lahaayeen Muj. Haybe Laambad inay wax u qabtaan qoyskii uu ka tagay mujaahidku, lana socdaan xaaladooda.

Waxa kaloo xafladdaas ka hadlay xildhibaanno ka tirsan Golaha Wakiillada oo iyaguna sidoo kale ka warramay taariikhdii mujaahidka.

Ugu dambayn, waxa halkaas koob lagu guddoonsiiyey kooxda kubbada cagta oo ku ciyaaraysay magaca Jaamacadda Gollis oo ku guulaysatay koob kubbada cagta ah oo lagu xusaayey Muj. Haybe Axmed Guure (Lambad). Ciyaartaas oo dhexmartay kooxda ku ciyaaraysay Haybe Laambad iyo Jaamacadda Gollis.

ka soo xigtay: Jamhuuriya

Arday Reer Somaliland oo 12 Jira oo Afrika oo Dhan Kaalinta 1-aad u Galay Tartan Qu’aanka Kariimka ah

Arday Reer Somaliland oo 12 Jira oo Afrika oo Dhan Kaalinta 1-aad u Galay Tartan Qu’aanka Kariimka ah

Last Modified: Fri 22nd Apr,2011

Dakar (Jam)- Arday reer Somaliland oo magaciisu yahay Cabdibaasid Dayib Maxamed oo da’diisu tahay 12 sanno jir, ayaa kaalinta 1-aad u galay tartan xiftiga qur’aanka kariimka ah oo ay ka qaybgaleen dhalinyaro ka kala socotay 27 wadan oo qaarada Afrika ah oo lagu qabtay dalka Senegaal.

Tartankaas oo ay soo qabanqaabisay hay’adda Raabidatul Islaam ee fadhigeedu yahay dalka Sucuudiga, oo inta badan hawlaheedu u jinjeedhaan qabashada tartannada qur’aanka ee caalamka ka dhaca, ayaa sannadkan waxa ay ku qabatay dalka Senigal, isla markaana waxa ka qayb-galay arday badan oo ka kala socotay 27 waddan oo qaarada Afrika ka tirsan, kuwaas oo ay Somaliland nasiib u heshay inay ka mid noqoto.

Waxaana Somaliland metelayay Cabdibaasid Dayib Maxamed oo ah da’diisu tahay 12 jir, waxna ka barta Markiz Mucalim Shukri oo ku yaal degmada Gacan-libaax ee magaalada Hargeysa, kana mid ah ardayda ilaahay u fududeeyey xifdiga qur’aanka.

Tartaankaas oo soconayay intii u dhexeysay 11—13-kii bishan April ee sannadkan 2011, ayaa waxa kaalinta 1-aad ku guulaystay Cabdibaasid Dayib Maxamed, isaga oo abaal-marin ahaan loo siiyey $3,000 doollar, kitaab qur’aan ah iyo qalin is akhriyaya iyo jaa’isado kale.

Xafladdii ardayga abaalmarinta lagu guddoonsiiyey reer Somaliland ee qaaradda Afrika kaalinta koowad u galay tartanka qur’aanka, waxa ka soo qayb-lay madaxweynaha dalka Senigal Cabdalle Wade oo halkaa ku muujiyey sida uu ugu faraxasan yahay tartanka qur’aanka ee dalkiisa lagu qabtay.

Cabdibaasid Dayib Maxamed, ayaa hore kaalinta 2-aad ugu soo guulaystay tartan kan ka horreeyey oo lagu qabtay dalka Sucuudiga, isaga oo haddana lagu wado inuu ka qayb-galo tartano kale oo ka kala dhici doona dalalka Kuweyd iyo Dubai.

ka soo xigtay: Jamhuuriya

Wasiirka Khaarijiga Somaliland oo kulan la qaatay Wasiirka Arrimaha Dibadda ee Imaaraadka Carabta


 Wasiirka arrimaha dibadda ee Somaliland, Dr. Maxamed Aabdillahi Cumar,  iyo Wasiirka Arrimaha Dibadda Ee dawladda Isutagga Imaaraadka Carabta, Sheikh Abdullah Bin Zayed al Nahyan

 

Wasiirka Khaarijiga Somaliland oo kulan la qaatay Wasiirka Arrimaha Dibadda ee Imaaraadka Carabta, uguna baaqay Wasiirka Khaarijiga ee maamulka TFG du inuu joojiyo wararka aan jirin
in Somaliland ay dawladda Imaraadka Carabta waydiisatay inay ka taageerto la dagaalanka budhcad badeed

Dubia (Gabiley News)-Wasiirka Arrimaha Dibadda ee Somaliland, Dr. Maxamed Cabdillahi Cumar, ayaa shir la qaatay dhiggiisa Dawladda Isutagga Imaaraadka oo ah Wasiirka Arrimaha Dibadda, Sheikh Abadallah Bin Zayed al Nahyan. Shirkan wasiirrada oo ka dhacay magaalada Dubai ee Dalka UAE ayaa waxa ay Sheegayaan Warar Xogogaal ah oo Gabiley news ka heshay Waftiga Somaliland ee ku Sugan Dalka imaaraadka Carabta inay labada masuul kawada hadleen arrimo dhawr ah oo khuseeyay labada dal, caalamka carabta, iyo geeska afrika. Waxay kaloo wararku intaasi ku darayaan in ay ka wada hadleen culayska ay budhcad badeeddu ku hayso adduunka. Waxaa intaa wehelisay wada hadalada labada geesood arrimo la xidhiidha cilaaqaad cusub oo ay Somaliland doonayso inay la yeelato dalka Imaaraadka Carabta iyo guud ahaanba wadamada gacanka carabeed.

Wasiirka Arrimaha Dibadda ee Somaliland Dr.Maxamed C/laahi ayaa ka waramay hawlgaladda Somaliland ee ku aadan la dagaalanka budhcad badeedda, wuxuuna gaar ahaan ka hadlay dad lagu xukumay danbiyo la xidhiidha budhcad badeednimo oo lagu qabtay xeebaha iyo biyaha Somaliland ee caalamiga ah , oo hadda ku jira jeelasha Somaliland ka dib markii maxkamadi ku caddaysay denbiyadaasi oo hadda tiradoodu kor u dhaaftay 90 qof.

Wuxuu wasiirku warbaahinta u sheegay in Somaliland ay dawladda Imaraadka Carabta waydiisatay inay ka taageerto la dagaalanka budhcad badeed oo ay u ga baahan yihiin taageero dhinacyo badan leh oo ka mid yihiin dhinacyo dhaqaale, qalab iyo tababarro. Wuxuu kaloo wasiirku ka hadlay hawlgalada dhaqaale, siyaasadad, nabadgalyo iyo maalgashi ee dawladda Somaliland oo uu u bandhigaya Wasiirka Arrimaha Dibadda ee Imaaraadka Carabta, Sheikh Abdallah Bin Zayed al Nahyan.

Warku wuxuu kaloo intaa ku daray in Wasiirka Arrimaha Dibadda ee Imaraadka Carabta, Sheikh Abdallah Bin Zayed al Nahyan, uu isna ka waramay culayska iyo dhibta ay budhcad badeeddu ka hayso maraakiibta ganacsiga iyo gaadiidka badda mara oo dhan. Wuxuuna caddeeyay inay arrintani ku keentay ganacasiga dawladdiisa iyo wadamada kaleba khasaare iyo dhibaato badan, xumaysanna nabadgalyada iyo isku socodka maraakiibta.

Wuxuu Sheikh Abdallah ku amaanay xukuumadda Somaliland dadaalka inay muujisay wax ka qabasho wayn dhinaca budhacad badeedda. Wuxuuna shaaca ka qaaday in dawladiisu la shaqayn doonto Somaliland iyo bulshada caalamkaba sidii arrintan wax loo qaban lahaa.

Waxaa kale oo wasiirka Arrimaha Dibadda ee Somaliland uu saxaafadda u sheegay jawaabta uu ka bixinayo hadallo la sheegay inuu warbaahinta qaarkeed ku sheegay Wasiirka Khaarajiga ee maamulka TFG du oo sheegayay inay iyaga iyo Somaliland ay heshiis kuwada yihiin in si wada jira ah oo gaar ahaaneed ah ay uga wada shaqyeeyaan budhcad badeedda iyo maxkamaddayta budhcad badeedda la qabto oo halkii la gayn lahaa dal kale oo shisheeya ay TFG du doonayso in la geeyo Somaliland. Wasiirka Khaarijiga ee Somaliland wuxuu sheegay in arrintaasi aanay jirin, Somalilandna ay sidii caadiga ahayd bulshada caalamka ula shaqaynayso sidii wax looga qaban lahaa dhibaatada budhacad badeedda. Wuxuuna ugu baaqay wasiirkan TFG du inuu ka waantoobo marin habaabinta mawqifka Somaliland ee arrintan, wuxuuna cadeeyay in aanay jirin wax heshiis ah ama wadahadal ah oo u gaar ah Somaliland iyo TFG oo ku saabsan arrintan iyo arrin kale toona.

Mustafe Future
Gabiley News Desk
Hargeisa/Somaliland
mccfuture@hotmail.com


Published: 2011-04-22

Source: Gabileynews

Munaasibad Lagu Xusayey Halyeygii Waynaa Mujaahid Ibraahin Kood-buur Oo Hargeysa Lagu Qabtay

M

MunaaMunaasibad Lagu Xusayey Halyeygii Waynaa Mujaahid Ibraahin Kood-buur Oo Hargeysa Lagu Qabtaysibad Lagu Xusayey Halyeygii Waynaa Mujaahid Ibraahin Kood-buur Oo Hargeysa Lagu Qabtay

Hargeysa, April 18, 2011 (Haatuf) – Munaasibad lagu xusayey halyeygii waynaa ee mujaahid Ibraahin Kood-buur oo hogaaminayey hawl galkii mucjisada ahaa ee 1983-dii lagula baxay mujaahid C/laahi Askar Barkhad oo faqashta ugu xidhnaa Ex Miiska Saraakiisha ayaa shalay xus si wayn loo soo agaasimay lagu qabtay Hutelka Kaah ee bariga magaalada Hargeysa.

Munaasibada xuskan baroor-diiqda ah ee loo sameeyey mujaahid Ibraahin kood-buur (AHN) ayaa waxa ka soo qayb galay  mujaahidiin faro badan oo ka wada tirsanaa ururkii  xaq u dirirka ahaa ee SNM ee dalka xoreeye, kuwaas oo ay ka mid ahaayeen saraakiishi garabka milatari ee ka qayb gashay xuskaas Gudoomiyaha xisbiga Kulmiye mujaahid Muuse Biixi Cabdi, mujaahid maxamed Kaahin Axmed, mujaahid Ibraahin C/laahi Xuseen (Dhago-wayne), mujaahid Cali Maxamed Yuusuf (Cali Guray), mujaahid C/raxmaan Aw Cali Faarax, mujaahid Yuusuf Cabdi Gaboobe, mujaahid Aadan Tarabi, Sheekh Aadan Siiro iyo masuuliyiin kale oo ka tirsan xukuumadda, waxaanay dhamaantood ka mirkhaati kaceen shakhsiyadii mujaahid Ibraahin Koodbuur iyo intii ay ka yaqaaneen, kuwaas oo mid waliba ka waramay aqoontii uu u lahaa mujaahidkaas.

Masuuliyiintii ka hadashay xuskan ayaa ka waramay dhamaantood taariikhda mugaleh ee uu marxuum  Kood-buur ku lahaa halgankii SNM horseedka ka ahayd, isla markaana waxay ka warameen guud ahaan halgankii mujaahidiintii SNM ay dalka ku xoreeyeen iyo marxaladihii kala danbeeyey ee ilaa hada, waxanay tilmaameen inay mujaahidiintii SNM sameeyeen hawl galo ay aduunyadu la yaabtay oo dunida naadir ku ah.

Ugu horayn waxa madasha ka hadal kooban ka jeediyey guddoomiyaha Kulmiye Muuse Biixi Cabdi oo ka mid ahaa saraakiishii milatari ee SNM isaga oo ka hadlaya taariikhtii Ibraahin Koodbuur, waxa uu yidhi “Ugu horayn waxa aan u mahadnaqayaa dadka inoo agaasimay xafladan lagu xusayo geesiyadii inaga geeriyooda  oo uu ugu horeeyo Marxuum Ibraahin Koodbuur, waxaan u malaynayaa inaynu inaga laftigeenu qoladeenii SNM u baahanay inaynu isku nimaadno, oo waxaynu u baahanay inaynu shirar caynkan oo kale ah iskugu nimaadno. Marxuum Ibraahin Koodbuur  taariikhdiisa ku dheeraan maayo waayo waxa jooga ragii maalintaas goob jooga ka ahaa dhacdadaas, laakiin maalintii hawlgalkii C/laahi Askar lagu furanayey uu dhacay aniga iyo nin kale waxa nalagu xidhay Xamar, waabarigii ayuunbaa katiinado nalagu xidhay, markaas ayaanu garanwaynay wax nalagu xidhayba markaa maalintii sadexaad ayuun baanu maqalnay inay hawshani dhacday, waxaan filayaa inaanay farxad noogu wayni aanay maalintaas jirin  waxaanu maalintaas filanay inuu xabsigayagu gaaban doono sidii baanay noqotay oo  xabsigayagii wuu gaabtay, ragaas mujaahidiinta ah ee dalka u soo halgamay ee Ibraahin Koodbuur ka midka yahay waxa  xaqiiq ah inay waajibkoodii iyagu guteen, waxa meesha yaalaa waxa weeyi maanta inteena nool maxaa la gudboon, nimankii dhintay waxaynu lahayn balan balantaasina waxay ahayd dadkeena inaynu xorayno, waxa jirta maanta dalka inta SNM ka nool waxay u baahan yihiin inay marka hore urursanaadaan oo ay iyagu talo wadaag ahaadaan oo ay iyagu khilaafkooda yareeyaan,  waa nacasnimo waligeen ina haysanaysa hadii muran iyo khilaaf inagu soo noqnoqdo ninka ogaa khilaafaadkii hore inoo soo kala dhex maray ee iska ilaalin waayo khilaaf waa nimaan habeen jirin oo aan waayo arag ahayn”.

Muuse  Biixi isaga oo hadalkiisa sii watana, waxa uu intaa ku daray “Xisbigii talada hayey ee UDUB  iyo marxuum Cigaal-ba waxaynu in badan ku canaananay SNM ayey durkinayaan, SNM ayaa waxan loo diidayaa SNM ayaa taariikhdeeda la tirtirayaa ayey dhawaaq badan in badan dhulka marinay, waxa kale oo  Ilaahay maanta ina joojiyey iyada oo SNM taladda dalka ugu saraysa ay hayaan madaxwaynaha maanta jooga Axmed Siilaanyo waxay ummaddu u dooratay waayo aragnimadiisa ka sokow, aqoontiisa ka sokow waa SNM-nimo. Kulmiye waxa codka loo siiyey ee xisbiyada kale looga doortay waxay ahayd SNM-nimo, maanta Kulmiye iyo madaxwaynahaba waxa ku waajib ah inay gacan nabad galyo iyo talo ururin ay SNM oo dhan u fidiyeen, anigoo ku hadlaya magaca xisbiga Kulmiye ee talada haya ee aan Gudoomiyaha u ahay  inay SNM meel kasta oo ay joogtada ay isku yimaadaan oo ay khilaafkooda yareeyaan ummaddana wax u qabtaan”.

Guddoomiyaha Kulmiye Muuse Biixi mar uu ka hadlayey arinta furista ururada, waxa uu yidhi “Arinta xisbiyada la furanayo, xisbiga Kulmiye xisbigii halkaa keenay buu ahaa oo barnaamijka anagaa ku soo qornay oo mabda’ aanu aamin-sanahay ayuu ahaa waana mabda’ imikana aanu aamin sanahay in qof waliba si kali ah u tartamo, mushkilada la isku hayaa maaha xisbiyada ha la furo maxaa yeelay barnaamijkii xisbigayagu muu ahayn sharci ee wuxuu barnaamij xisbi xisbiyada ka mid ah, xisbi nus ka helay codka dadka ayaa taladda wax ku leh markii rayigii ummadda dib loo eegay waxa muuqatay in ummadu rayigaa ku kala qaybsan tahay, anaga xisbi ahaan waxa aanu ku soo caano maalnay oo sharcigayagu ahaa ilaa SNM talo wadaag, mawqifka xisbiga Kulmiye waxa weeyi in laga dhursugo gudida loo xil saaray talo bixinta oo aan laga hordagin”.

Waxa isaguna xuskaa baroor-diiqda Ibraahin Kood-buur ka hadlay Mujaahid Ibraahin Dhago-wayne, waxaanu yidhi “Munaasibadani waa mid agteena qiimo ka leh ragii tirada yaraa ee uu Ibraahin Koodbuur iyo Cabdiraxmaan Turki hogaaminayeen waxay ahaayeen ciidan mucjiso ah, ciidankii Somalia ugu xooga waynaa ayay iga oo ah 11 qof kala dhex baxeen C/laahi Askar (AHN), hawl galkaasi waa mid aanu caqliga binu-aadanku si dhib yar u rumaysan karin, waxa isaguna mucjiso ahaa hawl galkii kale ee ka horeeyey ee Madheera oo iyaguna tiro yar odayaashii kula baxeen, labadaas hawl galba waxa uu Siyaad Barre qirtay inay duhur cad halkaa lala maray oo  ay ciidamadiisii waxba ka qaban kari waayeen, taas oo aduunyada oo dhami marag ka ahayd. Labadaas hawl gal waxay noqdeen kuwii sugay jiritaanka SNM ee aduunka ina baray ee dadkeena kurbadii haysatay ka gooyey, maalintaas Hargeysa anigu maan joogin, qof hadlayaana muu jirin, ummadda aad maanta wada arkaysaan ee wada faraxsan dadkeenuna  wadnaha ayey farta ku wada hayeen oo talo way ka baahday, waxaanay is wadda lahaayeen maxaa la yeeli, maxaa dhici doona qof ku hamiyey waxbaad qaban karaysaa wuu yaraa laakiin ragii Ilaahay garadsiiyey tiro yarna may eegin baqashana may eegin, labadaa hawl gal sumadda ay SNM u yeeleen waxa ay ahayd tii suurta galisay inaynu maanta halkan inaga oo nabad qabna iskugu nimaadno. Anigu nimankaas mujaahidiinta ah waan wada aqaanay maanta Aadan Maal ayaa inagala joogee, waxaana ka nool isaga iyo C/salaam Turki iyo Cabdi Ciid waxay ahaayeen niman mucjiso ah oo wax walba u ilaaway sidii ay dadkooda xoriyad ugu dhalin lahaayeen, hadafkooduna kaas ayuu ahaa. Waxaan leeyahay iyaga iyo mujaahidiintii SNM ee dhimatayba Ilaahay ha u naxariisto oo meeqaanka ugu sareeya ha ka galiyo Janatulfardawsa, nimankaas dhiigoodii inoo huray ee caruurtoodii ku agoomawday ee guryahoodii u baaba’een waxaan leeyahay Alle ha u naxariisto, maanta waxaa quruxda badan ee aynu dhex joogno dhiigoodii ayaa sugay, markaa waxaan leeyahay agoontii ay ka tageen aynu dib u eegno oo aynu ilaalino”.

Waxa isaguna madasha ka hadlay madaxwayne ku xigeenkii hore ee Somaliland C/raxmaan Aw Cali Faarax, waxaanu yidhi “Ibraahin Koodbuur iyo saraakiishii la midka ahayd ee qaarna dhinteen qaarna maanta nool yihiin waxay sameeyeen hawl galo mucjiso ahaa oo SNM-na guul taariikhi ah u ahaa Afwayne-na guuldaro wayn u ahaa. Waxa iyaguna jirta wax kale oo uu Ibraahin Koodbuur idin dheeraa oo aan idiin sheegayaa Iidoorow inuu Ibraahin ahaa nin reer Boorama ah, sida nimanka Ciidagale odayadooda iyo mudakarkoodu u ahaa reer Boorama ayuu isna u ahaa reer Boorama”

Ka soo xigtay: Haatuf






Wasiirka Wasaaradda Waxbarashada ee Dalka Imaaraadka Oo Meeqaam Sare Ku Qaabiley Wafitigii uu hogaaminayay Madaxweyneha Somaliland. Daawo Sawirada

Hadhwanaagnews) Sunday, April 17, 2011
Hargeysa (HWN) Wasiirka Wasaarada Waxbarashada ee dalka Imaaraadka Sheekh Nahyaan Sheekh Mubaarik Al-Nahyaan, ayaa maanta meeqaam sare ku qaabilay waftigii uu hogaaminayay madaxweynaha jamhuuriyadda somaliland Md. Axmed Maxamed Maxamuud (Siilaanyo).

Hargeysa (HWN) Wasiirka Wasaarada Waxbarashada ee dalka Imaaraadka Sheekh Nahyaan Sheekh Mubaarik Al-Nahyaan, ayaa maanta meeqaam sare ku qaabilay waftigii uu hogaaminayay madaxweynaha jamhuuriyadda somaliland Md. Axmed Maxamed Maxamuud (Siilaanyo). Kulankan oo ahaa muhiim ah ayaa waxa ka qayb galay shirkado tiro badan kuwaas oo ay isla soo qaadeen sidii u maalgashan lahaayeen dalka somaliland.

Madaxweynaha Jamhuuriyadda Somaliland, Mud: Axmed Maxamed Maxamuud (Silaanyo) Iyo Sheekh Nahyaan Sheekh Mubaarik Al-Nahyaan. Oo Wada Fadhiya Qasriga Madaxtooyada Imaraadka Carabta

Sidaasna waxa lagu sheegay warsaxaafadeed ka soo baxay xarunta madaxtooyada kaas oo uu nuqul ka mid ahi soo gaadhay xafiiska wararka ee shabakada calaamiga ah ee Hadhwanagnews, waxaanu u dhignaa sidan

“Madaxweynaha JSL, Mudane Axmed Maxamed Maxamuud (Siilaanyo) iyo Weftiga uu Hogaaminaayo ee ku sugan Dalka Isu-tagga Imaaraadka Carabta, Gaar ahaan Magaalo Madaxda Abu-Dubai ayaa maanta waxa lagu Martiqaaday Qasriga Wasiirka Tacliinta ee isu-tagga Imaaraadka Carabta Sheekh Nahyaan Sheekh Mubaarik Al-Nahyaan.

Madaxweynaha iyo Weftigiisu waxay Halkaa kula Kulmeen in ka badan 60 Xubnood oo uu Wasiirku Qado Sharaftaa Casuumada ah ugu yeedhay si ay ula kulmaan Weftiga kuwaas oo ka kala Socday Shirkadaha ugu waa weyn ee Ganacsiga iyo Maal-gashiga oo ka kala yimid Caalamka oo dhan kuna Sugan Dalka Isu-tagga Imaaraadka Carabta. Shirkadahaas oo ay Masuuliyiinta Ka socday Madaxweynaha ku Hambalyeeyeen sida uu dalka Somaliland u yahay Dal diyaar u ah Maal-gashi dibadeed waxaanay Madaxweynaha u balan qaadeen in ay Dalka u soo diri doonaan Wufuud kala duwan kuwaas oo dhawaan iman Doona Dalka Daraasadna ku Samayn doona Waxyaalaha ay ka Ganacsadaan ama ay ka Shaqeeyaan Kambaniyadaasi (Company)-yadaasi oo kala Duwani.

Sheekh Nahyaan sheekh Mubaarik Al-Nahyaan oo ah Wasiirka Wax-barashada ee Isu-tagga Imaaraadka Carabtu, oo ka mid ah Masuuliyiinta ugu waa weyn Imaaraadka Carabka Waxa uu Madaxweynaha u sheegay in ay Imaaraartu diyaar u yihiin inay Somaliland kala Shaqeeyaan dhinaca Nabad-gelyada, iyo Weliba dhinaca Ganacsiga sidoo kale ay Shirkadaha, Kambaniyada ( Company)-yada ugu Waa weyn Caalamka ay ku soo Xidhaan Dalka, Nahyaan waxa kale oo uu sheegay in uu Diyaar u yahay inuu dhinaca waxbarashada Tacliinta Sare ka Caawiyo Somaliland. Madaxweynaha Somaliland Mudane Axmed Maxamed Maxamuud (Siilaanyo) ayaa isaguna u sheegay Sheekha in uu Dalka Somaliland yahay dal dimu-quraadi ah, Nabad ah ku Kalsoon in uu Caalamka kale wax la qabsado aadna u danaynayo inuu Caalamka Islaamka ah iyo Caalamka kaleba ay yimaadaan Dalka oo ay Maal-gashi ku sameeyaan.

Madaxweynaha Oo Lugaynaaya Qasriga Madaxtooyada Imaraadka Carabta Ee Abudabi

Madaxweynuhu waxa uu u sheegay Sheekha in ay Somaliland dooratay Shuruucda iyo maal-gashiga Dalka Somaliland gudihiisa haatana uu dalku u baahan yahay oo keliya in wax lagala qabto dhinaca dhaqaalaha, Wax-barashada, Caafimaadka iyo wax-yaalaha kale ee la xidhiidha Adeeg-yada Bulshada ee Magaalooyinka iyo shaqo la’aanta ku Habsatay dhalin yaro aad iyo aad u badan kuwaas oo doonaya markay Wax-barashada dhamasytaan Shaqo tagaan sidaa Awgeed waxa uu xusay madaama oo uu Dalkeenu yahay dal aanu imika uun Abuurnay, Yab-yabnay oo ku guulaystay inuu noqdo Laambad (Lamp)-ka iftiimaysa Geeska Mandaqada uu ku yaalo waxa aanu doonaynaa oo aanu walaalahayaga aad ka midka tihiin ka Codsanaynaa in aad wax nagala Qabataan si aanu Dhalin yaradaas Shaqo ugu Abuuri karno, si ay taasi suurta gal u noqotana shirkadihiina tirada badan ee halkan fadhiya waxa aanu idinka Codsanaynaa sida aad balan qaadeen inaad Dalkayaga Soo gaadhaan oo qiimaysaan meeshii Maal-gashigiina ku haboon shirkad walba gaarkeeda waxa aanu diyaar u nahay in aanu anaguna idiin fudaydino oo ay suura gal-noqoto dhinaca wixii idiin dan ah oo anagaba noo dan ah kana wadda hadalno,

Waxa aanu Abuurnay Sharciyo, Shuruuc maal-gashiga Fudaydinaysa,”ayuu yidhi Madaxweynaha Somaliland oo la hadlaayey Sheekh Nahyaan sheekh Mubaarik Al-nahyaan wasiirka wax-barashada ee Isu-tagga Imaaraadka Carabta oo martiqaaday Weftiga Madaxweynaha iyo in ka badan 60 Shirkadood ama Company oo kulankaa goob-joog ka ahaa.

Madaxweynuhu waxa uu ku dheeraaday oo uu ku nuux-nuuxsaday Mushkilada Somaliland, Magaalooyinka iyo kuwa Baadiyahaba ka haysata Biyo la’aanta ku habsatay sidaa awgeedna madaama uu yahay dalka Imaaraadka Carabtu, Dal door balaadhan kaga jira dhinaca ganacsiga iyo xidhidhka Caalamkaba Company-yo badan oo biyaha ka Shaqeeyaana uu leeyahay in ay suurto gal-tahay inuu wax nagala qabto dhinaca biyaha.

Sheekh Nahyaan Sheekh Mubaarik Al- Nahyaan ayaa isaguna waxa uu dhinaciisa balan qaaday inay isu-tagga Imaaraadka Carabtu inay Somaliland wax kala qabtaan Dhismaha iyo Dedaalka ay ugu jirto inay noqoto qaran ku guulaysta in Mushtamaceedu mahadiyo, waxa kale oo uu sheegay in Walaaltinimada iyo Wada dhalashada iyo Muslin-nimada ka dhaxaysa labada Wadan khasbayso in ay iyaguna kaalin weyn ka Ciyaaraan oo ay wax taraan Somaliland.

waxa kale oo uu balan qaaday Sheekh Nahyaan in uu wax badan kala qaban doono Somaliland dhanka wax-barashada oo uu xil weyn iska Saari doono Balan-qaadkiisa kuwajahan Wax-barashada.” Ayaa lagu yidhi warsaxaafadeedkaas.

Najax Aadan Cunaaye

Hadhwanaagnews/Office

Hargeysa/Somaliland

Najax@hadhwanaag.org
Submitted By: Wariye-Najax

ka soo xigtay:  hadhwanaagnews

Daawo sawirrada madaxweynaha Somaliland iyo weftigiisa oo booqasho ku tegaya dalalka carabta

(Hadhwanaagnews) Thursday, April 14, 2011
Halka uu ka duulayay madaxweyne Qaranka Somaliland Mudane axmed maxamed maxamuud (Siilaanyo) ayaa waxaa kusugnaa Ciidamada bambeysa saarakiil kala Duwan iyo mas uuliyiinta saga lasocotay hadbada Daawa Sawirada

Daawo Muuqaal Quruxbadn Safarka Madaxweynaha jamhuuriyada Somaliland oo Saakay Si Heer Qaran uga Duulay Magaalada Ber Bera iyo sagootin Fiican oo Loo Sameeyay Madaxweynaha Daawo

madaxweynaha oo diyaarada sii Raacaya
Xafiiska warar hadhwanaagnews ee Muqdisho wariye xasankuuriya


Submitted By: Hassan Kuriya

Ka soo xigtay: Hadhwanaagnews

yada oo shalay ay ku beegnayd 08/04/1988, markii uu Jeneraal Moorgan ku amray ciidamadiisii Qaybta 26aad inay cagta soo mariyaan cutubyadii ciidamadii SNM ka joogay

08/04/1988: Jewigii Adkaa Ee SNM, Dardaarankii Moorgan Ee Ciidankiisa Iyo Jabka Weerarkoodii Cabdi Yuusuf & Burco-goobo


(Hadhwanaagnews) Sunday, April 10, 2011
Hargeysa,(HWN)- Iyada oo shalay ay ku beegnayd 08/04/1988, markii uu Jeneraal Moorgan ku amray ciidamadiisii Qaybta 26aad inay cagta soo mariyaan cutubyadii ciidamadii SNM ka joogay Burco-goobo iyo Cabdi Yuusuf oo labaduba xadka ka sareeya.

Hargeysa,(HWN)- Iyada oo shalay ay ku beegnayd 08/04/1988, markii uu Jeneraal Moorgan ku amray ciidamadiisii Qaybta 26aad inay cagta soo mariyaan cutubyadii ciidamadii SNM ka joogay Burco-goobo iyo Cabdi Yuusuf oo labaduba xadka ka sareeya.

Mujaahid Ibraahim Dhagaweyne
Dagaalkaas oo cajalad taariikhi noqotay ay markii hore iska duubeen ciidamada Taliskii Siyaad Barre, ayaa lagu bandhigay shalay munaasibad balaadhan oo lagu qabtay Huteel Shiraaqle ee magaalada Hargeysa. Munaasibaddaas oo ugu horayn uu sharraxaad ka bixiyay Taliyaha Ururkii uu dagaalku qabsaday, ayaa labada goobood-ba lagu jebiyay ciidamadii faqashta.
Mujaahid Xasan-Dayax oo maalintaas ahaa Ku-xigeenka Guutadii SNM ee dagaalkaas jabka u xambaariyay cadowgii ka soo horjeeday, ayaa munaasibadan ka hadlay. “Maalintani waxay la mid tahay maalmo badan oo kale oo na soo maray, waxay la mid tahay maalintani dharaar SNM-tu ay meel halis ah maraysay oo saraakiishayadii galbeedka la xidh-xidhay oo Itoobiya heshiis ay gashay oo la yidhi, ‘ciidanku haka soo noqdaan faranta oo ha soo wada galaan xeryaha milateriga ee Xabashida. Ka dib galbeedku wuu xidh-xidhnaa, laakiin barigu wuu diyaar garoobay. Labadaa dagaal maydku aad buu u daadsanaa, inkasta oo ay kala dhimasho badnaayeen oo xaga Cabdi Yuusuf ay dhimashadu badnayd, iyagana xerooyinka ayuu buuxay maydku, maalintaa saddex nin ayaa naga dhintay, laba Bee-bee-na waanu qabsanay. Burco-Goobo waxay qabsadeen Bee-bee gaadhi kale oo barigii hore xabashida laga qabsaday, xabashidii gaadhigoodii waanu u celinay oo lambarkoodii milateriga ayaa ku yaalay. Run ahaantii beryo dhan ayay Xabashidu raadinaysay degmada Cabdi Yuusuf, taasoo markii dambe la soo tusay,” sidaa waxa yidhi Muj. Xasan-dayax.
Intaa ka dib, waxa hadalka qaatay Taliyihii Guutada maalintaas dagaalatay Muj. Cabdilaahi Cige Muuse (Obsi), waxaanu ku bilaabay, “Halkay ciidanku dagaalka ka soo qaadeen waxay ahayd, meel muddo badan ciidanka lagu ururinayay. Marka uu Moorgan hadlayaa waa todobadii bishii afraad, laakiin si ay isugu hagaajiyaan taariikhda ayay ka dhigeen sideedii bishii afraad, weerarku wuxuu ahaa maalin Jimce ah 8/04/1988-kii. Waxyaabaha cajaa’ibka ah waxa ka mid ahaa arroortaa ay weerarka nagu soo qaadi doonaan, galabtii ka horeysay waxaanu u dirnay sahan 35 nin ah oo uu watay mujaahidkii ku dhintay ee Cabdi Warsame Ordaaye. Cajiib waxa ahayd in aroortaas markaan arkay Cabdi Warsame, wuxuu igu yidhi, ‘way na daba socdaan oo waa kuwan nagu daba jira,’ ninkaa dhintay wixii dilayay wuu daba socday runtii. Maadaama oo aanu ka shakisanayn weerarkaas ayaa subaxaas waxaan u tegay Ciidankii Sayid Cumar qayb ka mid ahayd oo deganaa xaga galbeed, waan toosiyay waxaan ku idhi, kaca oo diyaar garooba weerar baa soo socdee.”
Waxa uu intaa ku daray in gurmad degdeg ahaa ay ka heleen Guutadii Sayid Cumar, isla markaana cajaladii ay markii hore faqashtu iska duubeen ay qabsadeen taasoo loo gudbiyay ilaa hogaamiyihii Itoobiya Mengistu Haile Mariam. Mujaahid Obsi waxa uu si adag uga hadlay in qadarin badan aan la siinin taariikhdii iyo mujaahiiintii SNM labadaba. “Ujeedadii laga lahaa ee ay weerarka u soo qaadeen wuu badnaa, laakiin waxa ka mid ahaa oo ugu waynayd inay fuliyaan heshiiskii ay galeen, ka dibna lana soo qab-qabto oo lana keeno iyadoo lana wado Tiyaarkii Hargeysa oo lagu qabanayo 12-ka April maalintii ciidanka, waa markii labaad ee ay arrintaasi u suuroobi waydo, waad ogaydeen Mujaahid Cabdilaahi Askar (AHN) ayay sidaas oo kale isku dayeen.” Ayuu hadalkiisii raaciyay Mujaahid Obsi.

Intaa ka dib waxa isna halkaa ka hadlay Muj. Axmed Xansan Waysa-cadde, waxaana ka mid ahaa hadalladiisii oo uu yidhi; “Maalintaasi waxay ahayd maalintii Itoobiya iyo  Soomaaliya heshiiyeen, maalintii ugu cidhiidhiga badnayd ee meel laga baxo la daydayaayay ayay ahayd, dagaalkani wuxuu ahaa dagaalkii ugu dambeeyay ee Itoobiya ka dhaca, dagaalkaasi waxa uu ka dhacay saddex meelood oo kala ahaa Burco-goobo, Cabdi Yuusuf iyo Qabri Macalin, aniga meeshii iigu dhaweyd ee aan u soo gurmadaa waxay ahayd Cabdi Yuusuf, waxaan la kulmay iyadoo goobta difaaca oo uu maydkii faqashtu yaalo, nin Indho-balac la odhan jiray waxa hortiisa yaalay 10 mayd ah oo isa saaran.”

“Markaa, maalintaasi maalin aad u cidhiidhi ah ayay ahayd ciidamada Itoobiyaanku maalin maalinta ka dambaysa digniinta way soo dirayeen, taariikhda lagama wada sheekayn karayo, laakiin waxa haboon in la xuso, maalintaa saraakiishii joogtay markaan tiriyo 75% waxaan filayaa way dhinteen, mujaahidiintuna way ka sii badan yihiin, iyadoo dadku dhimanayaan inaan la qorin oo aan meel lagu kaydini waa dhaliil inoo taala.” Ayuu hadalkiisa raaciyey Axmed Waysa-cadde.

Sidoo kale, Mujaahid Cabdiraxmaan Aw-Cali Faarax oo mar dalka ka soo qabtay jagada Madaxweyne Ku-xigeenka Somaliland wakhtigii Xukuumaddii uu hoggaaminayey Madaxweynihii geeriyooday e Marxuum Maxamed Xaaji Ibraahin Cigaal.

Cabdiraxmaan Aw Cali waxa uu ka warramay dhacdooyinkii ay SNM soo martay iyo marxaladihii kala duwanaa ee soo waajahay wakhigii ay dagaalka kula jirtay Ciidammadii Xoogga dalka Soomaaliyeed ee Siyaad Barre xukumayey. “Dhacdadan laga sheekaynayaa waxay ka mid tahay, dhacdooyin badan oo SNM-ta soo maray, kuwa guulo laga gaadhay iyo kuwa dhibtu xagayaga u badnaydba way jireen, mar walba waxa muuqatay in Illaahay innoo hiilinayay, anaguna ismaanaan bidine dalkan iyo dadka ayay ka muuqataa mahadnaqii ay SNM ku mahadnaqday guushii Illaahay siiyay, nabadayntii beelaha ayaa sal u ahayd Somaliland in maanta wanaag iyo nabad ku jirto.” Sidaa ayuu yidhi Cabdiraxmaan Aw Cali Faarax.

Waxaanu Cabdiraxmaan oo hadalkiisa sii wataa intaa ku daray oo uu yidhi; “Munaasibadda dagaalkani ka dhacay waxay ahayd arrintii ahayd inay Itoobiya ragga dabada ka marto oo ay soo qabqabato, halkaasoo keliya may ahayne, waxa ka mid ahayd Qabri Macallin, Caraancarray qudheeda waa la isku dilay, waxa la lahaa iyaga oo gudaha ku jira cagta soo mariya intaannu heshiisba iman, laakiin Illaahay muu odhan, markaa sidii uu isagu damacsnaa umay dhicine, sidii Illaahay qaddaray ayay u dhacday, maanta khasaare ma joognaa, haddaynaan lacag badan haysan oo aynu wax badan tabanayno nabaddaa maanta iyo dalkaa wanaagiisu waa midhihiinnii, taasaana innaga innagu filan.”

Mujaahid Ibraahin Cabdillaahi Xuseen (Dhegaweyne), waxaana ka mid ahaa hadalladiisii oo uu yidhi; “Anigu arrintii maalintaa ka dhacday Cabdi Yuusuf inay ahayd furihii guusha ayaan u arkaa, dagaalkii ka dhacay SNM hala xareeyo ayay ahayd, guul Illaahay SNM siiyay ahayd, ciidanka meesha naga joogay iyo ciidanka ay la dagaalameen miisaan ahaan dhibicna iskamay gaadhayn, Illaahay xaqa ayuu guusha siiyaa, xaqii ayaa guulaystay, waana ta aynu halkan ku fadhino furaheedii, waxaan leeyahay raggii galay iyo raggii ku dhintay Illaahay jasaa’idkooda ha siiyo, cajaladan waxaan ku daawaday Herer dawlada Itoobiyana aad bay u danaynaysa, maalintaa maalin nooga farxad badnayd may jirin, guul aad u yaable oo Illaahay ina siiyay ayey ahayd, waxaan leeyahay halla xuso, waana taariikhdii inaynu noolaynaa, taliyihii maalintaa ciidanka watay maanta Hargeysa ayuu joogaa, waanu ka markhaati furayaa wixii dhacay, haddii isaga wareysataan waa nin salaaxiya oo si wanaagsan uga markhaati fura.”

Boobe Yuusuf Ducaale, ayaa isaguna halkaa ka hadlay, waxaanu yidhi; “Cabdi Iidaan ayaa yidhi tantoomo xaqeedii ku raran looma taag helo… Xafladahan marka la qabanayo nabarro meelo aan muuqan ku yaal ayaa rag ku baananayaa, dad bilado iyo shahaadooyinkoodii la siin waayay ayaa isku bogsiinaya oo isku bakhtiinaya yaanay dadku dhibsannin, waa la xusayaa SNM     21 sano oo Siyaad Barre dhibayay ayaa la xusayaa, waxa la xusayaa 10 sano oo aanu kayn jiifnay, waa qayb noloshayada intii ugu wanaagsanayd ka mid ah, macnaheedu maaha Siyaad Barre reero gaar ah ayaa u adeegay, Siyaad Barre Soomaali oo dhan ayuu ku shaqaystay, haddii loo tirinayo SNM in reer ugu badnaa, haddana qaybihii ugu badnaa ee reerahaa ka mid ahaa ayaa SNM ka soo horjeeday, Hargeysa 1800 ayaa soo galay, Burcana 1200 Isaaqu ma intaasuu ahaa, maalintaas Burco Goobo ee la idiinka sheekay maalin jimce ah ayay 8/04/1988-kii aniga oo ahaa wiil dhalinyaro ah oo SNM ka tirsanaa oo ahaa xoghayaha golaha dhexe iyo guddida joogtada ah ee SNM aniga oo qorayay wixii maalin walbad dhacayay, waxaan jeclahay bishii afraad afarteedii ilaa bisha sideedii wixii dhacay.”

Wasiirka Xanaanada Xoolaha Dr. Cabdi Aw-daahir oo ka mid ahaa Masuuliyiintii Xuskaa ka hadlay shalay, ayaa waxa uu yidhi; “Taariikhdu iyada ayaa is xusta oo isa sheegta, runtiina wax idinka maqani ma jiro, waayo taariikhdiina waa taas, magaciina wakaas. Dagaalkeenuna muu ahayn oo keliya kii xabadda ee wuxuu ahaa kii xabada iyo kii nabadaynta, maantana waxa weeye inaynu ummadii la xoreynayay aynu dhaqno.”

Guddoomiye ku-xigeenka Golaha Wakiillada Somaliland Md. Cabdicasiis Maxamed Samaale oo soo gunaanaday Xafladdaa lagu xuska ahayd, waxa uu yidhi; “Illaahay cilmigiisa waxa isku began maanta oo la xusayo dagaalkaa 22-ka sanadood ka hore dhacay oo 8-dii April oo Jimce ahayd iyo maanta oo 8-dii April oo Jimce ah waa,munaasibadan waxa munaasib in loo helo waqti intan ka balaadhan oo si wayn looga waramo.”

Mustafe-Janaale

Hadhwanaagnews.com/Office

Hargeysa/Somaliland

E-mail:Janaale94@gmail.com

 

Submitted By: Mustafa Janaale

 

Ka soo xigtay: Hadhwanaagnews

Daawo Daawo qaybtii 3 aad ee aaskii marxuum Ibraahim Meygaag Samatar

Daawo Daawo qaybtii 2 aad ee aaskii marxuum Ibraahim Meygaag Samatar

Daawo Daawo muuqaal Video aaskii marxuum Ibraahim Meygaag Samatar qaybtii 1 aad

ASW

Waxa aan halkan idiinku soo gudbinyaa muuqal vido ah oo ka hadlaya aaski marxuum Ibraahim Meygaag Samatar.

 

Ex-Somali PM Samantar to be questioned in US lawsuit A judge in the US state of

Ex-Somali PM Samantar to be questioned in US lawsuit A judge in the US state of

 

Mahamed Ali Samantar, who was Somalia’s defence minister and prime minister in the 1980s, has denied wrongdoing.

Virginia has ruled that an ex-Somali prime minister can be questioned
under oath over allegations of abuses and war crimes.

Mahamed Ali Samantar, who was Somalia’s defence minister and prime minister in the 1980s, has denied wrongdoing.

He is accused of commanding his troops to detain, torture, and kill members of Somalia’s Isaaq clan.

The court ruling means that the Somalis who have brought the case will for the first time be able to question him.

A lawyer for Mr Samantar argued on Friday that the case against him should be thrown out.

But US District Judge Leonie Brinkema denied the request to dismiss it.

The original lawsuit was filed in 2004 by Somalis living in the US under 1991’s Torture Victim Protection Act.

A
federal judge later ruled that Mr Samantar was entitled to diplomatic
immunity, but last year the US Supreme Court reinstated the case.

Earlier
this year, the US Department of State recommended that Mr Samantar
should not receive diplomatic immunity, largely because there was no
effective central government in Somalia to request it.

Somalia
has not had a functioning national government since warlords overthrew
President Siad Barre, under whom Mr Samantar served, in 1991.

Source: BBC News

Raali ahaada anagoon beryahan hawada ka maqnayn oo fasax ku maqnayn

Asw

 

dhammaan akhristayaasha waxaanu aad iyo aad ka raali gelinaynaa ka  maqnaashahaa aanu ka maqnayn home page,  Somaliland1991, sababtuna ay ahayd fasax dibeda ooo aanu ku maqnayn.  Waxaanu tagnay dalkeenii hooyo , Hargeysa, Somaliland.

 

Somaliland1991