August 21, 2014 – Written by Ali jaamac
Allaah ha u naxariistee marxuum Maxamed Axmed Maxamed (Dheereeye) waxa uu ka mid ahaa xiddigihii kooxda kubadda cagta ee Gobolka Hargeysa sannadihii siddeetamaadkii.
Haddaba, waxa aynnu qormadan ku soo bandhigi doonnaa taariikh-nololeedkii marxuum Dheereeye. Waxa uu ku dhashay xaafadda Geed-goble ee caasimadda Hargeysa sannadkii 1959kii. Aabbihii waxa uu ahaa dadkii la soo shaqeeyay mustacmaraddii Ingiriiska, waxaannu madax ka noqday waaxdii isgaadhsiinta ee maamulkii gumaystaha ee Somaliland ka talinayey ka hor 1960-kii, waxaannu aabbihii geeriyooday isagoo aad u yar, da’diisuna ahayd 9 jir.
Waxbarashadiisii qur’aanka waxa uu ka bilaabay malcaamad ku taallay xaafadda Geed-goble, waxana naanaysta Dheereeye ee uu caanka ku ahaa u bixiyey macallinkii malcaamadda u bilaabay oo la odhan jiray Aw Xasan.
Madrasadda wuxuu ka ahaa inamada ugu sarreeya xagga aqoonta ee mar walba imtixaanka ku guulaysan jiray kaalinta koowaad amma labaad. Yaraantiisii waxa uu aad u jeclaa ciyaarta kubbadda cagta oo heer lagu xasuusan karo ka gaadhay. La soco qaybo kale oo ka mid taariikh-nololeedka marxuum Dheereeye…..
Xigasho: Jamhuuriya
Somaliland1991
Leave a comment