42 Marxuum Oo Garba Siman Loo Laayay 1988 Oo Maanta Aas Qaran Hargaysa Loogu Sameeyay – 24 Ogos 2015

42 Marxuum Oo Garba Siman Loo Laayay 1988 Oo Maanta Aas Qaran Hargaysa Loogu Sameeyay.


(Hadhwanaagnews) Monday, August 24, 2015 14:52:15
Halkan hoose kaga bogo

Hargaysa(HWN):-Ugu yaraan 42marxuum oo Laga Soo saaray Xabaal Wadareedyo Ku taala Agagaarka Kaamka Biyo Shiinaha ayaa Maanta Aas Qaran Loo sameeyay,Kuwaas oo Ay Dibada u Soo saareen dhul Qudisto Lagu Samaynayo Sidii Biyo Balaadhin Caasimada Loogu Samayn Lahaa.

Marxuumiinta Madasha laga soo saaray ayaa waxa ay xidhnayeen Dharkoodii Qaarkood,Halka ay Siteen Cadaro,Fidhin,Weel Cunto iyo Wax yaale kale oo muujinaya sida aan dadka loogu aabo yeelin.

Xasuuqan Dadkan Sida Siman loogu Laayay Wakhtigaas ayaa waxa  Gaystay Taliskii Maxamed Siyaad Bare oo Dadkan Xasuuqay,waxaana ay Dadkii ku Tukaday oo Wasiiro Iyo Culimaba iskugu jiray ayaa ilaahay uga baryay inuu Janada Geeyo.

<span< span=””>


style=”font-size:16px;”>Wasiirada Caddaaladda, Warshadaha, Maayirka Caasimada, Guddomiyaha Xafiiska Baadhista xasuuqa, Culimo ka tirsan Wasaarada Diinta iyo Aw qaafta, Sheekh Aadan Siiro iyo Masuuliyiin kale oo badan oo ka tirsan qaybaha kala duwan ee bulshada ayaa ka qayb galay Aaska dadkaasi.
Masuuliyiintan ayaa ku dheeraaday murugada ay leedahay dhacdadan iyo xasuusta arxan darradii Maamulkii Siyaad Barre. Xukumadda ayaa marar badan soo bandhigtay xabaalo wadareedyo la helay, kuwaasi oo marag ka ah sida uu Maamulkii kali taliska ahaa ula dhaqmay Somaliland.

Waxaa ugu horayn halkaasi ka hadlay Ibraahin Siyaad Yoonis, Maareeyaha wakaaladda biyaha Hargeysa oo sharaxay siday u heleen Xabaasha “Waxaanu bilawnay biyo balaadhintii Hargeysa, markaa halkii Beebka la marin lahaa ayaanu ku aragnay Kuus yar oo aan xabaal u eekayn laakiin, meel yar oo ciidi tuulan tahay ah, markaa dadkii degaanka ayaa yidhi meeshaasi dad baa ku aasan oo marar bay lafahaasi soo baxaan, kadib waxaanu samaynay inaanu la xidhiidhno wasaaradda diinta iyo awqaafta iyo guddida xasuuqa”.

Waxaa sidoo kale laga soo saaray  xabaasha dadkaasi Maryihii ay xidhnaayeen iyo alaabooyinka ay siteen oo ay ka mid yihiin, Cadar, Fidhin, tusbax, weel cunto iyo walxo kale oo muujinaya sida dadkaasi u ahaayeen kuwo war moog ah oo aan wax dambi ah lagu qaban sida uu sheegay mujaahid Saleebaan Sallo oo ka mid ah Mujaahidiintii SNM, islamarkaana sharaxay waxyaabaha laga fahmi karo Alaabta wehelinaysay qalfoofka maydadkan.

“Dadka halkan lagu xasuuqay waxay ahaayeen dadkii ka cararayay madaafiicdii ka soo dhacayay Madaarka ee isku dayay inay badbaadan iyagoo xagga waqooyi magaalada uga soo baxay dabeedna lala soo daba galay Baroonka iyo diyaaraddaha duqaynayay ee South African-ku wadeen”, ayuu yidhi Guddoomiyaha guddida xasuuqa Khadar Like oo arrintan ka hadlay.

Sheekh Aadan Siiro, ayaa isna sheegay in sida nasuustu tilmaamayso ay dadkaasi leeyihiin Janno,maadaama iyagoo aan hubaysnayn si xaq darro ah loo dilay. Waxa uu sheegay inay yihiin caruurtii iyo maatidii ka cararayay dumintii Hargeysa lagu samaynayay.

Wasiirka Caddaaladda Xuseen Axmed Caydiid ayaa isna halkaasi ka hadlay waxaanu yidhi “Maydadkaa 42-ka ah ee aynu dul taagannahay maanta ee sida gar darrada ah loo laayay ee laga soo qoday intii beebkaas magaalada lagu sii wadaa ku hagaagay iyadoon hareereheedii la dayin waxay calaamad yar uun ka tahay dalka wixii ka dhacay”.

Maxamed Aadan ismaaciil Jiglan

HadhwanaagNews/Office

Hargaysa/Somaliland

Hadhka02011@gmail.com

Xigasho: Hadhwanaagnews

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: